പുന്നപ്പുഴയിൽ കണ്ടെത്തിയ അഞ്ജാത മൃതദേഹം തിരിച്ചറിഞ്ഞു: മരിച്ചത് ട്രൈബൽ സ്കൂളിലെ അധ്യാപകൻ

മലപ്പുറം നിലമ്പൂർ പുന്നപ്പുഴയിൽ കണ്ടെത്തിയ അഞ്ജാത മൃതദേഹം തിരിച്ചറിഞ്ഞു. പൂക്കോട്ടുംപാടം ചേലോട് എസ്ടി  കോളനിയിൽ നിന്നും കാണാതായ ബാബുവിന്റേതാണ് മൃതദേഹം. മുണ്ടേരി ഗവ. ട്രൈബൽ സ്കൂളിലെ അധ്യാപകനാണ് ബാബു. ബാബുവിനെ കാണാനില്ലെന്ന് സഹോദരി പൊലീസിൽ പരാതി നൽകിയിരുന്നു.

Read Also: തിരുവല്ലത്ത് കടലിൽ കണ്ടെത്തിയ മൃതദേഹം മത്സ്യത്തൊഴിലാളിയുടേത്; ബന്ധുക്കൾ തിരിച്ചറിഞ്ഞു

കരിമ്പുഴയുടെയും, പുന്നപ്പുഴയുടെയും സംഗമ സ്ഥലത്താണ് മൃതദേഹം കണ്ടെത്തിയത്. മൃതദേഹത്തിന് 4 ദിവസത്തെ പഴക്കമുണ്ടായിരുന്നു. എടക്കര പൊലിസിന്റെ നേതൃത്വത്തിൽ ഇൻക്വസ്റ്റ് പൂർത്തിയാക്കി മൃതദേഹം മഞ്ചേരി ജില്ലാ ആശുപത്രി മോർച്ചറിയിലേക്ക് മാറ്റിയിരുന്നു.

Story Highlights: Man dead body found Malappuram