ലണ്ടനിൽ സന്ദർശനത്തിനെത്തിയ പാകിസ്താൻ മന്ത്രിക്കെതിരെ പ്രതിഷേധവുമായി പാക് സ്വദേശികൾ

പ്രളയത്തിനിടിയിലും ലണ്ടനിൽ സന്ദർശനത്തിനെത്തിയ പാകിസ്താൻ വിവരസാങ്കേതിക വകുപ്പ് മന്ത്രി മറിയം ഔറംഗസേബിനെതിരെ പ്രതിഷേധം. കോഫി ഷോപ്പിൽ വച്ച് പാക് സ്വദേശികൾ തന്നെയാണ് മറിയമിനെതിരെ പ്രതിഷേധിച്ചത്.(Protest against Pak minister in London)

കള്ളി.. കള്ളി‘ എന്ന് വിളിച്ചാണ് പ്രതിഷേധക്കാർ മറിയമിന് നേരെ പാഞ്ഞടുത്തത്. രാജ്യം പ്രളയക്കെടുതിയിൽ ദുരിതം അനുഭവിക്കുമ്പോൾ മന്ത്രി ഉല്ലാസയാത്ര നടത്തുന്നു എന്നായിരുന്നു പ്രതിഷേധക്കാരുടെ ആരോപണം. ഇതിന്റെ വിഡിയോ സാമൂഹിക മാദ്ധ്യമങ്ങളിൽ പ്രചരിക്കുന്നുണ്ട്.

Read Also: ‘ലോട്ടറി എടുത്ത ശേഷം രണ്ട് തവണ നികുതി അടയ്‌ക്കേണ്ടി വന്നു’; ഭാഗ്യക്കുറിയിലൂടെ വരുന്ന ‘ഭാഗ്യം’ മാത്രമല്ലെന്ന് കഴിഞ്ഞ തവണത്തെ ബമ്പർ സമ്മാന ജേതാവ് ജയപാലൻ

പ്രളയ ഫണ്ടുകൾ വകമാറ്റി ചിലവഴിച്ചാണ് മന്ത്രിമാർ ഉല്ലാസ യാത്രകൾ നടത്തുന്നത് എന്നാണ് പ്രതിഷേധക്കാരുടെ ആരോപണം. പ്രതിഷേധത്തെ തുടർന്ന് മന്ത്രി കോഫി ഷോപ്പിൽ നിന്നും ഇറങ്ങി പോകുന്നതും വിഡിയോയിൽ കാണാം.

Story Highlights: Protest against Pak minister in London