കോൺഗ്രസ് അധ്യക്ഷ തെരഞ്ഞെടുപ്പ്; ഖർഗെയുടെ ഗുജറാത്ത് പ്രചാരണം ഇന്ന്

കോൺഗ്രസ് അധ്യക്ഷ തെരഞ്ഞെടുപ്പിനുള്ള സ്ഥാനാർത്ഥി മല്ലികാർജുൻ ഖർഗെയുടെ ഗുജറാത്ത് പ്രചാരണം ഇന്ന് ആരംഭിക്കും. അഹമ്മദാബാദിലെ സബർമതി ആശ്രമവും ഗുജറാത്ത് പ്രദേശ് കോൺഗ്രസ് കമ്മിറ്റി ഓഫീസും അദ്ദേഹം സന്ദർശിക്കും. വ്യാഴാഴ്ചയാണ് ഖർഗെ അഹമ്മദാബാദിലെത്തിയത്.

മല്ലികാർജുൻ ഖർഗെ ഒക്ടോബർ 9 ന് ജമ്മു കശ്മീർ സന്ദർശിക്കും. 339 പ്രതിനിധികൾക്കൊപ്പം ശ്രീനഗറിലും ജമ്മുവിലും വോട്ടെടുപ്പിനായി അദ്ദേഹം പിന്തുണ തേടും. ഈ ഒരു ദിവസത്തെ സന്ദർശനത്തിൽ രാവിലെ 10.30 ന് അദ്ദേഹം ശ്രീനഗറിലെത്തും, തുടർന്ന് ഉച്ചയ്ക്ക് ഒരു മണിക്ക് ജമ്മുവിലേക്കും പോകും. ശ്രീനഗറിലെ പാർട്ടി ആസ്ഥാനത്തും ജമ്മുവിലെ ജെ.കെ റിസോർട്ടിലും പ്രതിനിധികളെ കാണും.

സംസ്ഥാനത്തെ പ്രതിനിധികളുമായി അദ്ദേഹം ചർച്ച നടത്തും. തെരഞ്ഞെടുപ്പിൽ ശശി തരൂരാണ് രണ്ടാം സ്ഥാനാർത്ഥി. ഒക്‌ടോബർ 17-ന് പാർട്ടി ദേശീയ അധ്യക്ഷനെ തെരഞ്ഞെടുക്കുകയും 19-ന് ഫലം പ്രഖ്യാപിക്കുകയും ചെയ്യും. ഏറെ നാളുകൾക്ക് ശേഷമാണ് കോൺഗ്രസ് ദേശീയ അധ്യക്ഷ സ്ഥാനത്തേക്ക് തെരഞ്ഞെടുപ്പ് നടക്കുന്നത്.

Story Highlights: Kharge reaches Ahmedabad to start campaign for Congress presidential elections