കാഡ്‌ബെറി ചോക്‌ളേറ്റിൽ ബീഫ് അടങ്ങിയിട്ടുണ്ടോ ? [24 Fact Check]

ഇന്ത്യയിൽ ലഭിക്കുന്ന കാഡ്‌ബെറി ചോക്‌ളേറ്റ് ബഹിഷ്‌കരിക്കണമെന്ന പ്രചാരണം കുറച്ച് ദിവസങ്ങളായി സമൂഹമാധ്യമങ്ങളിൽ വ്യാപകമായി പ്രചരിക്കുന്നു.
എന്ത് കൊണ്ട് കാഡ്‌ബെറി ചോക്‌ളേറ്റ് ഉപേക്ഷിക്കണം…? അതിൽ ബീഫ് അടങ്ങിയിട്ടുണ്ട് എന്നതാണ് കാരണമായി ചൂണ്ടിക്കാട്ടുന്നത്. ഇത് സംബന്ധിച്ച സ്‌ക്രീൻ ഷോർട്ടാണ് സമൂഹമാധ്യമങ്ങളിൽ വ്യാപകമായി പ്രചരിക്കുന്നത്. ( beef in cadbury chocolate 24 fact check )

‘ബോയ്‌ക്കോട്ട് കാഡ്‌ബെറി’ എന്ന ഹാഷ്ടാഗിൽ ട്വിറ്ററിൽ ക്യാമ്പയിനും സജീവമാണ്. ബീഫിൽ നിന്നും ലഭിക്കുന്ന ജെലാറ്റിൻ ചോക്‌ളേറ്റിൽ അടങ്ങിയിട്ടുണ്ടെന്നും പ്രചാരണമുണ്ട് . എന്നാൽ പ്രചരിക്കുന്ന വാർത്ത വ്യാജമാണെന്ന് ഇന്ത്യയിൽ കാഡ്‌ബെറി ചോക്‌ളേറ്റുകൾ നിർമ്മിക്കുന്ന കമ്പനിയായ മോൻഡെലെസ് പ്രൊഡക്ട് വ്യക്തമാക്കി.

Read Also: പൊതുസ്ഥലത്ത് പാന്‍മസാല ഉപയോഗിക്കുന്ന ദൃശ്യങ്ങളിലുള്ളത് കേരള പൊലീസല്ല; പ്രചരിക്കുന്ന വാര്‍ത്ത വ്യാജം[24 Fact Check]

കമ്പനി നിർമ്മിക്കുന്ന ചോക്‌ളേറ്റുകൾ 100 ശതമാനവും വെജിറ്റേറിയനാണെന്നും അധികൃതർ വിശദീകരിച്ചു. കവറിന് പുറമെയുള്ള പച്ച വൃത്തം ഇതിന് തെളിവാണെന്നും കമ്പനി സാക്ഷ്യപ്പെടുത്തുന്നു.

Story Highlights: beef in cadbury chocolate 24 fact check