സിപിഐഎം സംസ്ഥാന സെക്രട്ടേറിയറ്റ് ഇന്ന്; പ്രിയാ വർ​ഗീസ് നിയമനവും ചർച്ചയാകും

സിപിഐഎം സംസ്ഥാന സെക്രട്ടേറിയറ്റ് യോഗം ഇന്ന് ചേരും. ഗവർണർക്കെതിരെയായ രണ്ടാംഘട്ട പ്രതിഷേധ പരിപാടികൾക്ക് സംസ്ഥാന സെക്രട്ടേറിയറ്റ് രൂപം നൽകും. കെ സുധാകരന്റെ ആർഎസ്എസ് അനുകൂല പ്രസ്താവനകൾ യുഡിഎഫിൽ ഉണ്ടാക്കിയ ഭിന്നതയും സിപിഐഎം ചർച്ച ചെയ്യും.പ്രിയാ വർ​ഗീസ് നിയമനവും ചർച്ചയാകും.(cpim state secretariat meeting today)

പ്രിയ വര്‍ഗീസിൻ്റെ നിയമനത്തിൻ്റെ പേരിൽ ഹൈക്കോടതിയിൽ നിന്നും കടുത്ത വിമര്‍ശനങ്ങളാണ് സർക്കാരിന് ഏറ്റുവാങ്ങേണ്ടി വന്നത്. കെടിയു, കുഫോസ് വിസിമാരുടെ നിയമനങ്ങൾ കോടതി റദ്ദാക്കിയതും തിരിച്ചടിയായിട്ടുണ്ട്. ഇതെല്ലാം ഇന്നത്തെ യോ​ഗത്തിൽ ചർച്ച ചെയ്തേക്കും.

Read Also: ‘ശബരിമലയില്‍ എല്ലാവര്‍ക്കും പ്രവേശനമെന്ന് നിര്‍ദേശം’; വിവാദമായതോടെ പിന്‍വലിച്ചു

കെപിസിസി പ്രസിഡന്റ് കെ സുധാകരന്റെ ആർഎസ്എസ് അനുകൂല പരാമർശങ്ങൾ കോൺ​ഗ്രസിനകത്തുണ്ടാക്കിയ അസ്വാരസ്യങ്ങൾ മുതലെടുക്കാനും സിപിഐഎം ഒരുങ്ങുന്നുണ്ടെന്നാണ് വിലയിരുത്തൽ. അതേസമയം വെറ്റിനറി സർവകലാശലയിലെ വിസിക്ക് ഗവർണർ ഉടൻ നോട്ടീസ് നൽകില്ലെന്നാണ് വിവരം. വിസിമാരുടെ ഹർജികളിൽ കോടതി തീരുമാനം വരട്ടെ എന്നാണ് ​ഗവർണർ വ്യക്തമാക്കിയത്. നവംബർ 30 നാണ് കേസ് ഹൈക്കോടതി പരിഗണിക്കുന്നത്.

Story Highlights: cpim state secretariat meeting today