പോളണ്ടിനെതിരെ അർജന്റീനയ്ക്ക് ആദ്യ​ഗോൾ; പ്രീക്വാർട്ടർ പ്രതീക്ഷ സജീവമാക്കി മെസിപ്പട

വിജയത്തിനപ്പുറം മറ്റൊന്നും ചിന്തിക്കാനാകാതെ പോളണ്ടിനെ നേരിടാനിറങ്ങിയ അർജന്റീനയ്ക്ക് ആദ്യ ​ഗോൾ. ​ഗോൾ അകന്നുനിന്ന ആദ്യ പകുതിയിലെ നിരാശ മുഴുവൻ മറികടന്ന് അർജൻരീന മത്സരത്തിന്റെ 46ാം മിനിറ്റിൽ അലക്സിസ് മക് അലിസ്റ്ററിലൂടെയാണ് ​ഗോൾ സ്വന്തമാക്കിയത്. കടുത്ത പ്രതിരോധം തീർത്ത പോളണ്ടിന്റെ പ്രതീക്ഷകളാകെ തകർക്കുന്നതായിരുന്നു രണ്ടാംപകുതിയിലെ ​ഗോൾ. ( FIFA World Cup Poland vs Argentina first goal ).

മത്സരത്തിന്റെ തുടക്കം മുതൽ ആക്രമിച്ച് കളിച്ച അർജന്റീന പോളണ്ടിന് മേൽ ആധിപത്യം നേടിയിട്ടും ആദ്യപകുതിയിൽ ​ഗോൾ മാത്രം അകന്നുനിന്നിരുന്നു. മത്സരത്തിൽ അർജന്റീനയ്ക്ക് ലഭിച്ച പെനാൽറ്റി മെസി പാഴാക്കുകയും ചെയ്തു.

Read Also: പെനാൽറ്റി പാഴാക്കി മെസി; പോളണ്ട് – അർജന്റീന മത്സരത്തിന്റെ ആദ്യപകുതി ​ഗോൾ രഹിതം

മത്സരത്തിന്റെ ആദ്യ പകുതിയിൽ പോളണ്ടിനെതിരെ 66 ശതമാനം സമയവും പന്ത് കൈവശം വെച്ചത് അർജന്റീനയായിരുന്നു. 12 ഷോട്ടുകൾ പായിച്ചതിൽ ഏഴെണ്ണം ഷോട്ട് ഓൺ ടാ​ർ​ഗെറ്റുമായിരുന്നു, എന്നിട്ടും ആദ്യ 45 മിനിറ്റിൽ ​ഗോൾ നേടാൻ അർജന്റീനയ്ക്ക് സാധിച്ചില്ല.

മത്സരം സമനിലയിൽ കലാശിച്ചാൽ പോളണ്ട് പ്രീക്വാർട്ടറിലെത്തുകയും അർജന്റീനയ്ക്ക് സൗദ്യ അറേബ്യ- മെക്സിക്കോ മത്സരഫലത്തെ ആശ്രയിക്കേണ്ടി വരുകയും ചെയ്യും.

Story Highlights: FIFA World Cup Poland vs Argentina first goal