നാഗാലാ‌ൻഡ് തെരഞ്ഞെടുപ്പ്: മുഖ്യമന്ത്രി നെയ്ഫിയു റിയോ ലീഡ് ചെയ്യുന്നു

നാഗാലാൻഡിൽ വോട്ടെണ്ണൽ പുരോഗമിക്കുമ്പോൾ എൻഡിപിപിയുടെ മുഖ്യമന്ത്രി നെയ്ഫിയു റിയോ ലീഡ് ചെയ്യുന്നു. വടക്കൻ അംഗമി-രണ്ടിൽ 3797 വോട്ടുകൾക്കാണ് റിയോ ലീഡ് ചെയ്യുന്നത്. എതിരാളിയായ കോൺഗ്രസിലെ സെയ്വിലി സച്ചു ഇതുവരെ 88 വോട്ടുകൾ മാത്രമാണ് നേടിയിട്ടുള്ളത്. അതേസമയം മുൻ മുഖ്യമന്ത്രിയും എൻഡിപിപി നോമിനിയുമായ ടി.ആർ സെലിയാങ് പെരെൻ എസിയിൽ ലീഡ് ചെയ്യുന്നു.

സംസ്ഥാന ബിജെപി അധ്യക്ഷൻ ടെംജെൻ ഇമ്‌നയാണ് അലോങ്‌ടാക്കി മണ്ഡലത്തിൽ നിലവിൽ ലീഡ് ചെയ്യുന്നത്. എൻഡിപിപിയുടെ വനിതാ സ്ഥാനാർത്ഥി ഹെകാനി ജഖാലു ദിമാപൂർ-3ൽ ലീഡ് ചെയ്യുന്നു. നാഗാലാൻഡ് ഉപമുഖ്യമന്ത്രിയും ബിജെപി നേതാവുമായ വൈ പാറ്റൺ ത്യുയി സീറ്റിൽ ലീഡ് ചെയ്യുകയാണ്.

അതേസമയം നാഗാലാൻഡിൽ ബിജെപി നേതൃത്വത്തിലുള്ള സഖ്യം വൻ വിജയത്തിന് തയ്യാറെടുക്കുകയാണ്. ബിജെപിയും സഖ്യകക്ഷികളും 48 സീറ്റുകളിലും കോൺഗ്രസ് 1 സീറ്റിലും എൻപിഎഫ് 6 സീറ്റുകളിലും ലീഡ് ചെയ്യുന്നു.

Story Highlights: Nagaland Election: NDPP’s CM Neiphiu Rio leading in Northern Angami-II