കയ്പമംഗലം ചളിങ്ങാട് പുഴയിൽ വീണ് ഏഴുവയസുകാരന് ദാരുണാന്ത്യം; കുട്ടി ഒറ്റയ്ക്ക് സൈക്കിൾ ചവിട്ടി പോകുന്ന സിസിടിവി ദൃശ്യങ്ങൾ ലഭിച്ചു
കയ്പമംഗലം ചളിങ്ങാട് പുഴയിൽ വീണ് ഏഴു വയസുകാരൻ മരിച്ചു. ചളിങ്ങാട് കരീം ഹാജി പള്ളിക്ക് സമീപം മുട്ടുങ്ങൽ വീട്ടിൽ നൗഷാദ് – നദീറ ദമ്പതികളുടെ മകൻ മുഹമ്മദ് ഫർഹാനാണ് മരിച്ചത്. ഇന്ന് വൈകിട്ട് അഞ്ച് മണിയോടെയായിരുന്നു സംഭവം.
Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി
വീടിൻ്റെ മുന്നൂറ് മീറ്റർ അകലെയുള്ള കനോലി കനാലിലാണ് കുട്ടി വീണത്. മുഹമ്മദ് ഫർഹാനെ കാണാതായതിനെ തുടർന്ന് ബന്ധുക്കൾ അന്വേഷിച്ചെത്തിയപ്പോഴാണ് സൈക്കിളും, ചെരിപ്പും പുഴക്കരികിൽ കണ്ടത്. ഉടൻ തന്നെ നാട്ടുകാർ വലവീശി കുട്ടിയെ പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കുട്ടി അഞ്ച് മണിയോടെ ഒറ്റക്ക് സൈക്കിൾ ചവിട്ടി പോകുന്നത് സമീപത്തെ സി.സി.ടി വിയിൽ പതിഞ്ഞിട്ടുണ്ട്. മതിലകം സെൻ്റ് ജോസഫ്സ് സ്കൂളിലെ വിദ്യാർത്ഥിയാണ് മുഹമ്മദ് ഫർഹാൻ. മൃതദേഹം ഇരിങ്ങാലക്കുട സഹകരണ ആശുപത്രി മോർച്ചറിയിലേക്ക് മാറ്റി.
Story Highlights: seven year old boy drowned to death in Kaipamangalam
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here