21 ലക്ഷം സിം കാർഡുകൾ റദ്ദാക്കും, നേടിയത് വ്യാജ രേഖകള്‍ ഉപയോഗിച്ച്: ടെലികോം മന്ത്രാലയം

വ്യാജ രേഖകൾ നൽകിയെടുത്ത സിം കാർഡുകൾ റദ്ദാക്കാൻ ടെലികോം മന്ത്രാലയം. ആദ്യ ഘട്ടത്തിൽ 21 ലക്ഷത്തിലധികം സിം കാർഡുകൾ റദ്ദാക്കും. ഡി ഒ ടി നടത്തിയ സ‍ർവ്വെ പ്രകാരമാണ് ഉപയോഗത്തിലുള്ള 21 ലക്ഷം സിം കാർഡുകൾക്ക് വ്യാജമെന്ന് കണ്ടെത്തിയത്.

വ്യാജ തിരിച്ചറിയൽ രേഖയും വിലാസവും ഉപയോ​ഗിച്ചാണ് ഇത്തരം കാ‌ർഡുകൾ‌ നിർമ്മിച്ചിരിക്കുന്നത്. എയർടെൽ, എംടിഎൻഎൽ , ബിഎസ്എൻഎൽ , റിലയൻസ് ജിയോ, വോഡഫോൺ, ഐഡിയ എന്നി ടെലികോം സേവന ദാതാക്കൾക്ക് ഡിപ്പാർട്ട്‌മെൻ്റ് ഓഫ് ടെലികമ്മ്യൂണിക്കേഷൻസ് ഇത്തരം വിവരങ്ങളെ അടിസ്ഥാനമാക്കി വ്യജ ഉപഭോക്തക്കളുടെ ഒരു ലിസ്റ്റ് നൽകുകയും ചെയ്തു.

അവരുടെ രേഖകൾ അടിയന്തിരമായി പുനഃപരിശോധിക്കാനും കണ്ടെത്തിയവരുടെ കണക്ഷൻ വിച്ഛേദിക്കാനും ആവശ്യപ്പെട്ടിട്ടുണ്ട്.21.08 ലക്ഷം ഉപയോ​ഗമല്ലാത്ത കാ‌ർഡുകൾ കണ്ടെത്തി. ഇത്തരം സിം കാർഡുകൾ പ്രവർത്തനര​ഹിതമാക്കൻ ഡിപ്പാർട്ട്‌മെൻ്റ് ഓഫ് ടെലികമ്മ്യൂണിക്കേഷൻ ആവശ്യപ്പെട്ടു.

1.92 കോടി സിം കാർഡുകൾക്ക് പരിശോധിച്ചതിൽ ഉപഭോക്തക്കൾക്ക് ഉപയോ​ഗിക്കാവുന്ന ഒമ്പത് സിം കാർഡുകളുടെ പരിധി മറികടന്ന് ഒരു വ്യക്തി വളരെയധികം മൊബൈൽ കണക്ഷനുകൾ ഉപയോ​ഗിക്കുന്നതായും കണ്ടെത്തിയിട്ടുണ്ട്. ഉപയോഗത്തിലുള്ള 21 ലക്ഷം സിം കാർഡുകളിലും സബ്‌സ്‌ക്രൈബർ ഡാറ്റാബേസിൽ തിരിച്ചറിയൽ രേഖകൾ ഇല്ലെന്നും വിലാസത്തിൻ്റെ തെളിവുകൾ തെറ്റായി നൽകിയവരുമുണ്ടെന്നും കണ്ടെത്തിയിട്ടുണ്ട്.

Story Highlights: 21 lakh Sim Cards Activated using Fake Documents