നജീബിന് നോവായി കൊച്ചുമകളുടെ വിയോഗം

ആടുജീവിതം കഥയിലെ യഥാര്‍ത്ഥ നായകന്‍ നജീബിന്റെ കൊച്ചുമകള്‍ മരിച്ചു. നജീബിന്റെ മകന്‍ ആറാട്ടുപുഴ തറയില്‍ സഫീറിന്റെ മകള്‍ സഫ മറിയമാണ് മരിച്ചത്. ഒന്നേകാല്‍ വയസായിരുന്നു.

സഫീര്‍ മുബീന ദമ്പതികളുടെ ഏക മകളാണ് സഫ. ശ്വാസമുട്ടലിനെ തുടര്‍ന്ന് കുട്ടിയെ വെള്ളിയാഴ്ച ആലപ്പുഴ മെഡിക്കല്‍ കോളജില്‍ പ്രവേശിപ്പിച്ചിരുന്നു. ചികിത്സയിലിരിക്കെ ഇന്ന് വൈകിട്ടോടെയായിരുന്നു മരണം.

മസ്‌കത്തിലെ ഹൈപ്പര്‍ മാര്‍ക്കറ്റില്‍ ഫ്രൂട്‌സ് ആന്‍ഡ് വെജിറ്റബ്ള്‍ സെക്ഷനില്‍ സൂപ്പര്‍ വൈസറായി ജോലി ചെയ്യുകയാണ് സഫീര്‍. സഫീര്‍ ഞായറാഴ്ച പുലര്‍ച്ചെ നാട്ടിലെത്തും. കബറടക്കം ഞായറാഴ്ച രാവിലെ പടിഞ്ഞാറേ ജുമ മസ്ജിദ് ഖബര്‍സ്ഥാനില്‍ നടക്കും.

Story Highlights : Aadujeevitham Najeeb’s grand daughter died