കനത്ത മഴയും കൊടുങ്കാറ്റും; ഗുവാഹത്തി വിമാനത്താവളത്തിൽ മേൽക്കൂരയുടെ ഒരു ഭാഗം തകർന്നു

കനത്ത മഴയിലും കൊടുങ്കാറ്റിലും അസമിലെ ലോക്പ്രിയ ഗോപിനാഥ് ബോർഡൊലോയ് രാജ്യാന്തര വിമാനത്താവളത്തിൻ്റെ മേൽക്കൂര തകർന്നു. ഞായറാഴ്ച വൈകിട്ടാണ് സംഭവം. മേൽക്കൂരയുടെ ഒരു ഭാഗം തകർന്നുണ്ടായ അപകടത്തിൽ ആർക്കും പരുക്കേറ്റിട്ടില്ലെന്ന് വിമാനത്താവള അധികൃതർ അറിയിച്ചു. മോശം കാലാവസ്ഥയെത്തുടർന്ന് വിമാനങ്ങൾ വഴിതിരിച്ചുവിട്ടെന്നും അധികൃതർ വ്യക്തമാക്കി.

കനത്ത മഴയിൽ മേൽക്കൂരയുടെ ഒരു ഭാഗത്ത് വെള്ളം കെട്ടിനിന്ന് അത് പൊളിഞ്ഞുവീഴുകയായിരുന്നു എന്ന് ചീഫ് എയർപോർട്ട് ഓഫീസർ ഉത്പൽ ബറുവാ വ്യക്തമാക്കി. അദാനി ഗ്രൂപ്പിൻ്റെ നിയന്ത്രണത്തിലുള്ളതാണ് ഈ വിമാനത്താവളം.

Story Highlights: Rain Guwahati airport ceiling collapses