ഫുൾ എ പ്ലസ് നേടിയ വിദ്യാർത്ഥികൾക്ക് അനുമോദനം; ട്വന്റിഫോർ പ്രേക്ഷകരുടെ ജില്ലാ സമ്മേളനത്തിന് തിരൂരിൽ തുടക്കം

ട്വന്റിഫോർ പ്രേക്ഷകരുടെ ജില്ലാ സമ്മേളനത്തിന് മലപ്പുറം തിരൂരിൽ തുടക്കമായി.
സമ്മേളനത്തോടനുബന്ധിച്ച് മലപ്പുറം ജില്ലയിൽ പത്താം ക്ലാസ്സ്‌ പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികളെ അനുമോദിച്ചു.

തിരൂർ ബിയൻകോ കാസിൽ ഓഡിറ്റോറിയത്തിൽ രാവിലെ 9 മണി മുതൽ ആരംഭിച്ച ചടങ്ങിൽ വിദ്യാർത്ഥികൾക്ക് സർട്ടിഫിക്കറ്റും മെഡലും സമ്മാനിച്ചു. ചടങ്ങിൽ ടോപ് സിംഗറിലെ മിടുക്കരായ കുട്ടി ഗായകരയുടെ സംഗീത പരിപാടിയും അരങ്ങേറി.

പ്രേക്ഷക ലക്ഷങ്ങളാൽ വൻവിജയം തീർത്ത ട്വന്റിഫോർ പ്രേക്ഷകരുടെ സംസ്ഥാനസമ്മേളനത്തിന് ശേഷം കേരളത്തിന്റെ ഓരോ ജില്ലകളിലും നടക്കുന്ന ട്വന്റിഫോർ പ്രേക്ഷകരുടെ ജില്ലാ സമ്മേളനത്തിന് മലപ്പുറം ഒരുങ്ങിക്കഴിഞ്ഞു. ഉച്ചക്ക് രണ്ടുമണിക്ക് ശേഷം ട്വന്റിഫോറിന്റെ പ്രിയ അവതാരകര്‍ പ്രേക്ഷകരുമായി സംവദിക്കും. സമ്മേളനത്തിന് മാറ്റ് കൂട്ടാന്‍ ഫ്‌ളവേഴ്‌സിലെ ജനപ്രിയതാരങ്ങളും പരിപാടിയിൽ അണിനിരക്കും.

Story Highlights : Twentyfour prekshakarude jilla sammelanam Malappuram, Tirur