ഛത്തീസ്‌ഗഡിൽ വീണ്ടും മാവോയിസ്റ്റ് വേട്ട: 12 പേരെ കൊലപ്പെടുത്തി സുരക്ഷാ സേന

ഛത്തീസ്‌ഗഡിലെ സുക്മ ജില്ലയിൽ 12 മാവോയിസ്റ്റുകളെ സുരക്ഷാ സേന വധിച്ചു. ബിജാപൂർ – സുക്മ ജില്ലാ അതിർത്തിയിലാണ് ഏറ്റുമുട്ടൽ നടന്നത്. ഒരു എസ്എൽ റൈഫിളടക്കം പല ആുധങ്ങളും ഇവരിൽ നിന്ന് കണ്ടെത്തി.

ഡിആർജി, മൂന്ന് ജില്ലകളിൽ നിന്നായുള്ള കോബ്ര 205, 206. 208, 210, 229 ബറ്റാലിയനുകളും ചേർന്നാണ് ആക്രമണം നടത്തിയത്. ജനുവരി നാലിന് ഛത്തീസ്‌ഗഡിൽ അഞ്ച് മാവോയിസ്റ്റുകളെ വെടിവച്ച് കൊലപ്പെടുത്തിയിരുന്നു. ബസ്‌തർ ജില്ലയിലാണ് ഏറ്റുമുട്ടൽ നടന്നത്.

പിന്നീട് ജനുവരി ആറിന് മാവോയിസ്റ്റുകൾ തിരിച്ചടിക്കുകയും ചെയ്തു. ജില്ലാ റിസർവ് ഗാർഡ് അംഗങ്ങളായ എട്ട് പേരും ഒരു ഡ്രൈവറും അടക്കം 9 പേർ ഈ ഏറ്റുമുട്ടലിൽ കൊല്ലപ്പെട്ടിരുന്നു. ബിജാപൂർ ജില്ലയിൽ സൈനിക വാഹനം ബോംബ് വെച്ച് തകർത്താണ് മാവോയിസ്റ്റുകൾ തിരിച്ചടിച്ചത്.

Story Highlights : 12 Naxals killed in encounter with security forces in Chhattisgarh’s Sukma