‘വെൽക്കം ഹോം’; പറന്നിറങ്ങി ചരിത്രത്തിലേക്ക്; ക്രൂ 9 പേടകത്തെ റിക്കവറി ഷിപ്പിലേക്ക് മാറ്റി

സുനിത വില്യംസ് ഉൾപ്പെടെയുള്ള ബഹിരാകാശ സഞ്ചാരികളുമായി കടലിൽ പതിച്ച സ്പേസ് എക്സിന്റെ ക്രൂ 9 ഡ്രാഗൺ പേടകത്തെ റിക്കവറി ഷിപ്പിലേക്ക് മാറ്റി. മെക്സിക്കോ ഉൾക്കടലിലാണ് പേടകെ പതിച്ചത്. കടലിൽ നിന്ന് ഉയർത്തി ഷിപ്പിലേക്ക് കയറ്റിയ പേടകം കരയിലെത്തിക്കും. തുടർന്ന് പേടകത്തെ വിമാനമാർ​ഗം നാസയുടെ ഹൂസ്റ്റണിലെ കേന്ദ്രത്തിലേക്ക് കൊണ്ടുപോകും.

സ്‌പേസ് എക്‌സിന്റെ എം വി മേഗൻ എന്ന റിക്കവറി കപ്പലാണ് ക്രൂ 9 ഡ്രാഗൺ പേടകത്തെ കരയിലെത്തിക്കുന്നത്. പേടകത്തിനകത്ത് യാത്രികരെല്ലാം സുരക്ഷിതരാണെന്ന് ഉറപ്പാക്കിയിട്ടുണ്ട്. സുനിത വില്യംസ്, ബുച്ച് വിൽമോർ, നിക് ഹേഗ്, അലക്സാണ്ടർ ഗോർബുനോവ് എന്നീ ബഹിരാകാശ സഞ്ചാരിക ആരോ​ഗ്യ പരിശോധനക്ക് വിധേയരാക്കും.

ഭൂമിയിലേക്ക് തിരിച്ചെത്തിയ ബഹിരാകാശ സഞ്ചാരികളോട് വെൽക്കം ഹോം എന്നാണ് കൺട്രോൾ സ്റ്റേഷൻ നൽകിയ സന്ദേശം. കടലിൽ പതിച്ച പേടകത്തെ പരിശോധനക്ക് വിധേയമാക്കിയ ശേഷമാണ് റിക്കവറി കപ്പലിന് സമീപത്തേക്ക് എത്തിച്ചത്.

Story Highlights : Crew 9 spacecraft transferred to Space X recovery ship