ഖത്തറിൽ ചൂട് കൂടും; മുന്നറിയിപ്പ്

ഖത്തറിലെ പല ഭാഗങ്ങളിലും കഴിഞ്ഞ ദിവസം അന്തരീക്ഷ താപനില 40 ഡിഗ്രി പിന്നിട്ടതായി കാലാവസ്ഥാ കേന്ദ്രം(QMD).അടുത്ത ദിവസങ്ങളിൽ താപനിലയിൽ ഗണ്യമായ വർധനവുണ്ടാകുമെന്നും കാലാവസ്ഥാ കേന്ദ്രം അറിയിച്ചു.അബുസമ്രയിലാണ് കഴിഞ്ഞ ദിവസം ചൂട് 42 ഡിഗ്രി സെൽഷ്യസ് രേഖപ്പെടുത്തിയത്.

Read Also: ദോഹ മെട്രോ അല്‍ വുഖൈറില്‍ പുതിയ മെട്രോലിങ്ക് ബസ് സര്‍വീസ് ആരംഭിക്കുന്നു

ഖത്തർ കാലാവസ്ഥാ വകുപ്പിന്റെ (ക്യുഎംഡി) റിപ്പോർട്ട് പ്രകാരം, പകൽ സമയം ചൂടുള്ള കാലാവസ്ഥയായിരിക്കുമെങ്കിലും രാത്രിയിൽ ചൂട് നേരിയ തോതിൽ കുറയാൻ സാധ്യതയുണ്ട്.തീരദേശത്ത് വടക്കുകിഴക്ക് മുതൽ തെക്കുകിഴക്ക് വരെ കാറ്റിന്റെ വേഗത മണിക്കൂറിൽ 4 മുതൽ 14 നോട്ടിക്കൽ വരെയായിരിക്കുമെങ്കിലും മണിക്കൂറിൽ 20 നോട്ടിക്കൽ മൈൽ വരെ വേഗത പ്രാപിക്കാനിടയുണ്ടെന്നും കാലാവസ്ഥാവിഭാഗം സമൂഹ മാധ്യമ അക്കൗണ്ടിൽ അറിയിച്ചു.

Story Highlights : Temperature exceeded 40 degrees in many parts of Qatar