തിരുവനന്തപുരത്ത് മദ്യലഹരിയിൽ അച്ഛൻ മകനെ വെട്ടി

തിരുവനന്തപുരം കീഴാവൂർ സെസൈറ്റി ജംഗ്ഷനിൽ മദ്യലഹരിയിൽ അച്ഛൻ മകന്റെ കഴുത്തിനു വെട്ടി. കീഴാവൂർ സ്വദേശി വിജയൻ നായരാണ് മകൻ വിനീതിനെ(35) വെട്ടി പരുക്കേൽപ്പിച്ചത്. ഗുരുതരമായി പരിക്കേറ്റ വിനീതിനെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. രാത്രി ഏഴു മണിയോടെയാണ് സംഭവം. സംഭവത്തിൽ മംഗലപുരം പോലീസ് സ്ഥലത്തെത്തി അന്വേഷണം ആരംഭിച്ചു. ഇന്ന് രാത്രി ഏഴ് മണിയോടുകൂടി ഇരുവരും മദ്യപിക്കുകയും തുടർന്ന് വാക്ക് തർക്കം ഉണ്ടാവുകയും ചെയ്തു. ഇതിനിടയിലാണ് വിജയൻ മകനെ കഴുത്തിൽ വെട്ടുന്നത്. തുടർനടപടികൾ സ്വീകരിക്കുമെന്നും പോലീസ് അറിയിച്ചിട്ടുണ്ട്.

Story Highlights : Drunk father attcks son in Thiruvananthapuram