‘ഇത്ര ഭീകരമായ സൈബര്‍ ആക്രമണം നേരിടുന്നത് ആദ്യം’; മുഖ്യമന്ത്രിക്കും സംസ്ഥാന പൊലീസ് മേധാവിക്കും പരാതി നല്‍കി ഹണി ഭാസ്‌കരന്‍
രാഹുല്‍ മാങ്കൂട്ടത്തിലിനെതിരെ വെളിപ്പെടുത്തല്‍ നടത്തിയതിന് പിന്നാലെയുണ്ടായ സൈബര്‍ ആക്രമണത്തില്‍ പരാതിയുമായി പ്രവാസി എഴുത്തുകാരി ഹണി ഭാസ്‌കരന്‍. മുഖ്യമന്ത്രിക്കും സംസ്ഥാന പൊലീസ് മേധാവിക്കും പരാതി നല്‍കി.
വെളിപ്പെടുത്തലിന് പിന്നാലെ നേരിടുന്നത് ഭീകരമായ സൈബര്‍ ആക്രമണമെന്ന് ഹണി ട്വന്റിഫോറിനോട് പറഞ്ഞു. ഇത്രയും ഭീകരമായ സൈബര്‍ ആക്രമണം നേരിടുന്നത് ആദ്യമായി. സമൂഹമാധ്യമങ്ങളില്‍ താന്‍ പങ്കുവെച്ച ചിത്രങ്ങള്‍ ദുരുപയോഗിക്കുന്നു. മുഖ്യമന്ത്രിക്കും ഡിജിപിക്കും പരാതി നല്‍കി. കൂടുതല്‍ വെളിപ്പെടുത്തലുകള്‍ വരാതിരിക്കാനാണ് ഇത്തരം ഭീഷണികള്‍. താന്‍ ഈ അക്രമത്തെ നേരിടും പക്ഷേ തന്റെ ചുറ്റിലുമുള്ളവരുടെ അവസ്ഥ അങ്ങനെയല്ല. ഇരകളാക്കപ്പെട്ടവര്‍ മുന്‍പോട്ടു വരണമെന്ന് ആവശ്യപ്പെടുന്നവര്‍ വെളിപ്പെടുത്തല്‍ നടത്തിയാല്‍ വേട്ടക്കാര്‍ക്ക് ഒപ്പം നില്‍ക്കുന്നു – അവര്‍ ട്വന്റിഫോറിനോട് പറഞ്ഞു.
Story Highlights : Honey Bhaskaran files complaint over cyber attack
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
