‘കൂടുതൽ കാര്യങ്ങൾ പുറത്തുവരും; കോൺഗ്രസ് നേതൃത്വത്തിന് എതിരെ പറഞ്ഞ കാര്യങ്ങളെല്ലാം സത്യം’; എ വി ഗോപിനാഥ്

രാഹുൽ മാങ്കൂട്ടത്തിലിന് എതിരായ ആരോപണങ്ങൾ, കോൺഗ്രസ് നേതൃത്വത്തിന് എതിരെ താൻ പറഞ്ഞ കാര്യങ്ങളെല്ലാം സത്യമെന്ന് തെളിയിക്കുന്നതെന്ന് മുൻ കോൺഗ്രസ് നേതാവ് എ വി ഗോപിനാഥ്. കൂടുതൽ കാര്യങ്ങൾ പുറത്തുവരും എന്നാണ് പ്രതീക്ഷിക്കുന്നതെന്നും എ വി ഗോപിനാഥ് ട്വന്റിഫോറിനോട് പറഞ്ഞു.

ഇനി ജീവിതത്തിൽ ഒരു കോൺഗ്രസ് നേതാക്കളെയും ബന്ധപ്പെടില്ലെന്ന് എ വി ഗോപിനാഥ് പറഞ്ഞു. തനിക്കിപ്പോൾ പ്രാഥമിക അംഗത്വം പോലുമില്ല. അവരുടെ കാര്യങ്ങളിൽ അവരുടെ നേതാക്കൾ അഭിപ്രായം പറയട്ടെയെന്നും അദേഹം പറഞ്ഞു. നേരെയാകുമോ ഇല്ലയോ എന്ന് അവര്‍ തീരുമാനിക്കട്ടെയെന്ന് എവി ഗോപിനാഥ് പറഞ്ഞു.

Read Also: കേരളം ഒന്നാകെ രാഹുൽ രാജിവെക്കണമെന്ന് പറയുന്നു, ഇനിയും പരാതി വരുമെന്ന് കേൾക്കുന്നു; പിന്നിൽ ഷാഫി – രാഹുൽ – സതീശൻ ത്രിമൂർത്തികൾ; എം വി ഗോവിന്ദൻ

അതേസമയം കേസും നിയമ നടപടിയും ഇല്ലല്ലോ എന്ന വാദം ഉന്നയിച്ചായിരുന്നു രാഹുൽ മാങ്കൂട്ടത്തിലിന്റെ പ്രതിരോധം. എന്നാൽ, ഗർഭഛിദ്രം നടത്താൻ പ്രേരിപ്പിച്ചെന്ന ആരോപണത്തിൽ സംസ്ഥാന വനിതാ കമ്മിഷനും ബാലാവകാശ കമ്മിഷനും കേസെടുത്തതോടെ, ആ പ്രതിരോധം പൊളിയുകയാണ്. വനിതാ കമ്മിഷനും ബാലാവകാശാ കമ്മിഷനും ഡിജിപിയോട് റിപ്പോർട്ട് തേടി. എറണാകുളം സ്വദേശി നൽകിയ പരാതിയുടെ അടിസ്ഥാനത്തിലാണ് ബാലാവകാശ കമ്മിഷൻ നടപടി.

Story Highlights : AV Gopinath says everything he said against the Congress leadership is proven to be true