തിരൂരിൽ നേർച്ചക്കെത്തിച്ച ആന ഇടഞ്ഞു; രണ്ട് പേർക്ക് പരിക്ക്

തിരൂരിൽ നേർച്ചക്കെത്തിച്ച ആന ഇടഞ്ഞു. ബി.പി അങ്ങാടി നേർച്ചയുമായി ബന്ധപ്പെട്ട് പെട്ടിവരവിനായി കൊണ്ട് വന്ന ആനയാണ് ഇടഞ്ഞത്. രാത്രി പത്ത് മണിയോടെയാണ് സംഭവം. പൊരൂരിൽ നിന്നും പുറപ്പെടുന്ന വരവിനായി എത്തിച്ച ആനയാണ് ഇടഞ്ഞത്. രണ്ട് ബൈക്ക്, കാർ, ഓട്ടോറിക്ഷ എന്നിവ തകർത്തു. പരിഭ്രാന്തരായി ഓടുന്നതിനിടയിൽ രണ്ട് പേർക്ക് പരിക്കേറ്റു. ഇവരെ തിരൂർ ജില്ല ആശുപത്രിയിൽ പ്രവേശിപ്പിച്ചു. പത്തരയോടെ ആനയെ തളച്ച് സുരക്ഷിതമായ സ്ഥലത്തേക്ക് മാറ്റി.