SKN40 കേരള യാത്ര; ലഹരി കേന്ദ്രങ്ങളെക്കുറിച്ചുള്ള ട്വൻ്റിഫോർ റിപ്പോർട്ടിൽ മുഖ്യമന്ത്രി വിളിച്ച യോഗം നാളെ

ലഹരിക്കും അതിക്രമങ്ങൾക്കും എതിരെ ട്വന്റിഫോർ ചീഫ് എഡിറ്റർ ആർ ശ്രീകണ്ഠൻ നായർ നടത്തിയ SKN 40 കേരള യാത്രയിൽ തയ്യാറാക്കിയ റിപ്പോർട്ടിന്റെ അടിസ്ഥാനത്തിൽ മുഖ്യമന്ത്രി വിളിച്ച അടിയന്തര ഉന്നതതല യോഗം നാളെ ചേരും. മുഖ്യമന്ത്രി, ചീഫ് സെക്രട്ടറി, സംസ്ഥാന പൊലീസ് മേധാവി, എക്സൈസ് കമ്മീഷണർ എന്നിവർ യോഗത്തിൽ പങ്കെടുക്കും. നാളെ രാവിലെ 11.30ന് മുഖ്യമന്ത്രിയുടെ ചേംബറിലാണ് യോഗം നടക്കുക.

‘അരുത് അക്രമം അരുത് ലഹരി’ എന്ന മുദ്രാവാക്യം ഉയർത്തിയാണ് മാധ്യമ ജീവിതത്തിൻ്റെ 40 ആം വർഷം ആഘോഷങ്ങൾ മാറ്റിവെച്ച് എസ് കെ എൻ കേരളത്തിൽ ജനകീയ യാത്ര നടത്തിയത്. തിരുവനന്തപുരം മുതൽ കാസർഗോഡ് വരെ ഒരുമാസം നീണ്ടതായിരുന്നു യാത്ര. യാത്രയിലുടനീളം ലഹരി കേന്ദ്രങ്ങളെക്കുറിച്ച് ലഭിച്ച വിവരങ്ങൾ ക്രോഡീകരിച്ച് മുഖ്യമന്ത്രിക്ക് റിപ്പോർട്ടായി കൈമാറിയിരുന്നു. സംസ്ഥാനത്തെ ലഹരി കേന്ദ്രങ്ങളെ കുറിച്ചും വിൽപന വിതരണ രീതിയെ കുറിച്ചും വിശദമായി പ്രതിപാദിക്കുന്ന ഗവേഷണ റിപ്പോർട്ടാണിത്. ലഹരി കേന്ദ്രങ്ങളെയും, ലഹരി തകർത്ത ജീവിതങ്ങളും തുറന്ന് കാട്ടിയ യാത്രയിൽ പതിനായിരങ്ങളാണ് നേരിട്ട് പങ്കെടുത്തിരുന്നത്.

Story Highlights : CM calls meeting tomorrow on Twenty-Four report on drug addiction centers