അമിത് ഷായ്ക്ക് പന്നിപ്പനി; എയിംസ് ആശുപത്രിയില്‍ പ്രവേശിപ്പിച്ചു

ബിജെപി ദേശീയ അധ്യക്ഷന്‍ അമിത് ഷായ്ക്ക് പന്നിപ്പനി. ദില്ലിയിലെ എയിംസ് ആശുപത്രിയില്‍ അമിത് ഷായെ പ്രവേശിപ്പിച്ചു. നെഞ്ച് വേദനയും ശ്വാസ തടസ്സവും അനുഭവപ്പെട്ടതിനെ തുടര്‍ന്നാണ് അമിത് ഷായെ ആശുപത്രിയില്‍ പ്രവേശിപ്പിച്ചത്. തുടര്‍ന്ന് നടത്തിയ പരിശോധനയിലാണ് അമിത് ഷായ്ക്ക് പന്നിപ്പനിയാണ് സ്ഥിരീകരിച്ചത്.

രോഗവിവരം അമിത് ഷാ തന്നെ ട്വിറ്ററിലൂടെ പങ്കുവച്ചു. ദൈവത്തിന്റെ അനുഗ്രഹം കൊണ്ടും നിങ്ങളുടെ പ്രാര്‍ത്ഥന കൊണ്ടും വേഗത്തില്‍ സുഖം പ്രാപിക്കുമെന്നും അമിത് ഷാ ട്വിറ്ററില്‍ കുറിച്ചു.