കോട്ടയം മെഡിക്കൽ കോളേജിൽ പൂർത്തീകരിച്ച പതിമൂന്ന് പദ്ധതികളുടെ ഉദ്ഘാടനം ആരോഗ്യമന്ത്രി നിർവഹിച്ചു

കോട്ടയം മെഡിക്കൽ കോളേജിൽ പൂർത്തീകരിച്ച പതിമൂന്ന് പദ്ധതികളുടെ ഉദ്ഘാടനം ആരോഗ്യമന്ത്രി കെ കെ ശൈലജ നിർവഹിച്ചു. ആധുനിക കാത്ത് ലാബ് , ഓട്ടിസം സെൻറർ, റെറ്റിന യൂണിറ്റ് , കാൻസർ ശസ്ത്രക്രിയാ വിഭാഗം , നവീകരിച്ച ട്രോമാ വാർഡുകൾ, നെഫ്രോളജി ഐസിയു തുടങ്ങിയവയാണ് പ്രവർത്തനം ആരംഭിച്ചത്. അത്യാഹിതവിഭാഗത്തിൽ ലാപ്രോസ്കോപ്പിക് മെഷീനും, ഗ്യാസ്ട്രോ എൻട്രോളജി വിഭാഗത്തിൽ ആധുനിക സജ്ജീകരണങ്ങളും ഒരുക്കിയിട്ടുണ്ട് പുതുതായി നിർമ്മിക്കുന്ന ഹൗസ് സർജൻസ് ക്വാർട്ടേഴ്സ് , രണ്ടാംഘട്ട അത്യാഹിതവിഭാഗം, സ്ത്രീകളുടെ മെഡിക്കൽ വാർഡ്, എന്നിവയുടെ നിർമ്മാണ ഉദ്ഘാടനവും ചടങ്ങിൽ നടന്നു