18
Jun 2021
Friday

നാലാം ക്ലാസ് വിദ്യാർത്ഥികളുടെ കാലിൽ കർപ്പൂരം കത്തിച്ച അധ്യാപിക അറസ്റ്റിൽ

ക്ലാസിൽ ശ്രദ്ധിക്കാത്തതിന് നാലാംക്ലാസ് വിദ്യാർത്ഥികളുടെ കാലിൽ കർപ്പൂരം കത്തിച്ച അധ്യാപിക അറസ്റ്റിൽ. തമിഴ്‌നാട്ടിലെ വില്ലപുരം ജില്ലയിലാണ് സ്‌കൂൾ അധ്യാപിക വൈജയന്തിമാല കുട്ടികളുടെ കാലിൽ കർപ്പൂരം കത്തിച്ചത്.

നാലാം ക്ലാസിൽ പഠിക്കുന്ന 15 കുട്ടികളാണ് അധ്യാപികയുടെ ശിക്ഷയ്ക്ക് ഇരയായത്. കാൽ പൊള്ളിയപ്പോൾ കരഞ്ഞ കുട്ടികളോട് ഇക്കാര്യം പുറത്ത് പറയരുതെന്ന് ആവശ്യപ്പെട്ട് അധ്യാപിക ഭീഷണിപ്പെടുത്തിയെന്നും രക്ഷിതാക്കൾ പറഞ്ഞു. കോടതിയിൽ ഹാജരാക്കിയ അധ്യാപികയെ ജൂൺ 24 വരെ ജുഡീഷ്യൽ കസ്റ്റഡിയിൽ വിട്ടു. ജുവനൈൽ ജസ്റ്റിസ് ആക്ട് പ്രകാരമാണ് അധ്യാപികയെ അറസ്റ്റ് ചെയ്തതെന്ന് ഡിഎസ്പി നരേന്ദ്രകുമാർ പറഞ്ഞു.

കർപ്പൂരം കത്തിച്ച് കാൽ പൊള്ളിയ വിദ്യാർത്ഥികൾ ആശുപത്രിയിൽ ചികിത്സയിലാണ്. കുട്ടികളുടെ രക്ഷിതാക്കൾ സ്‌കൂളിന് മുന്നിൽ പ്രതിഷേധവുമായി എത്തിയപ്പോഴാണ് സംഭവം പുറംലോകമാറിയുന്നത്. സംഭവത്തിൽ അധ്യാപികയേയും സ്‌കൂൾ പ്രധാനാദ്യാപകനേയും വിദ്യാഭ്യാസ വകുപ്പ് സസ്‌പെന്റ് ചെയ്തു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top