ദിലീപിന് പിറന്നാൾ സമ്മാനമായി ‘ജോർജ്ജേട്ടൻസ് പൂരം’

‘കുമാര സംഭവം’ എന്ന ചിത്രത്തിന്റെ ഷൂട്ടിങ്ങ് തിരക്കുകളിലാണ് നടൻ ദിലീപ്. മുരളി ഗോപി തിരക്കഥയെഴുതി, നവാഗതനായ രതീഷ് അമ്പാട്ട് സംവിധാനം ചെയ്യുന്ന ഈ ചിത്രത്തിന്റെ ആദ്യ ഷെഡ്യൂൾ ഷൂട്ടിങ്ങിന് ശേഷം ഡോക്ടർ ലവിന്റെ സംവിധായകൻ ബിജു അരൂകുറ്റി സംവിധാനം ചെയ്യുന്ന മറ്റൊരു ചിത്രത്തിന്റെ ഷൂട്ടിങ്ങിനായി ദിലീപ് പോവും.

തൃശ്ശൂരിന്റെ പശ്ചാത്തലത്തിൽ ഒരുക്കുന്ന ഈ ചിത്രത്തിൽ ദിലീപിന്റെ സംഭാഷണങ്ങൾ തൃശ്ശൂർ ശൈലിയിലായിരിക്കും. നിലവിലെ റിപ്പോർട്ട് പ്രകാരം ‘ജോർജ്ജേട്ടന്റെ പൂരം’ എന്ന പേര് നൽകിയിരിക്കുന്ന ഈ ചിത്രത്തിലായിരിക്കും ദിലീപ് ആദ്യമായി മുഴുനീള തൃശ്ശൂർ ശൈലിയിൽ സംസാരിക്കുക. ചാന്ദ്‌നി ക്രിയേഷൻസും ശിവാനി എന്റർടെയിന്മെന്റ്‌സും ചേർന്നാണ് ചിത്രം നിർമ്മിക്കുന്നത്.