പിടി മുറുക്കി ആര്‍ബിഐ. അടുത്തത് ബാങ്കിലെ സിസിടിവി ദൃശ്യങ്ങള്‍

നോട്ട് നിരോധനം വന്നത് മുതലുള്ള ബാങ്കുകളിലെ സിസിടിവി ദൃശ്യങ്ങള്‍ സൂക്ഷിക്കാന്‍ നിര്‍ദേശം. ആര്‍ബിഐയുടേതാണ് നിര്‍ദേശം. നോട്ട് നിരോധനത്തിന് ശേഷം ബാങ്കിലെത്തിയവരെ തിരിച്ചറിയാനാണിത്. ഒപ്പം ബാങ്കുകളില്‍ പണം സൂക്ഷിക്കുന്ന ചെസ്റ്ററുകളിലെ ദൃശ്യങ്ങളും സൂക്ഷിച്ച് വയ്ക്കണം. നോട്ടുകള്‍ മാറ്റി വാങ്ങുന്നതിനുള്ള സമയപരിധി ഈ മാസത്തോടെ തീരുന്നതിനാല്‍  കള്ളപ്പണം വെളുപ്പിക്കാന്‍ ശ്രമിച്ചവരെ കണ്ടെത്താനുള്ള ശ്രമങ്ങള്‍ റിസര്‍വ് ബാങ്ക് ശക്തമാക്കിയതിന്റെ പശ്ചാത്തലത്തിലാണ് പുതിയ തീരുമാനം. ബാങ്ക് ജീവനക്കാരിലൂടെ തന്നെ വന്‍തോതില്‍ കള്ളപ്പണം വെളുപ്പിക്കാന്‍ ശ്രമം നടന്നിട്ടുണ്ടെന്നാണ് ആര്‍ബിഐ കരുതുന്നത്.