കഴിഞ്ഞ വർഷം ബിജെപിയ്ക്ക് സംഭാവനയായി ലഭിച്ചത് 76.85 കോടി രൂപ

കഴിഞ്ഞ ഒരു വർഷത്തിനിടെ ഇന്ത്യയിലെ വിവിധ രാഷ്ട്രീയപാർട്ടികൾക്ക് സംഭാവനായി ലഭിച്ചത് നൂറുകോടിയിലേറെ തുക. ഇതിൽ ബിജെപിയ്ക്ക് ലഭിച്ചത് മാത്രം 76.85 കോടി രൂപ.

പാർട്ടികൾ നിയമപ്രകാരം നൽകേണ്ട, 20000 രൂപയ്ക്ക് മുകളിലെ സംഭാവനകളുടെ കണക്കുപ്രകാരമാണ് ഇത്. അസോസിയേഷൻ ഫോർ ഡെമോക്രാറ്റിക് റീഫോംസ്, നാഷണൽ ഇലക്ഷൻ വാച്ച് എന്നിവർ നടത്തിയ അന്വേഷണത്തില്ാണ് കണ്ടെത്തൽ.

1744 സംഭാവനകളിൽനിന്നായി 102.2 കോടി രൂപ വിവിധ പാർട്ടികൾ കൈപ്പറ്റിയെന്നും അന്വേഷണ റിപ്പോർട്ടിൽ പറയുന്നു.

കോൺഗ്രസ്, എൻസിപി, സിപിഐ, സിപിഎം, തൃണമൂൽ കോൺഗ്രസ് എന്നിവർക്ക് ലഭിച്ച തുകയുട മെൂന്നിരട്ടിയാണ് ബിജെപിയ്ക്ക് ലഭിച്ചത്. 613 സംഭാവനകളിൽ നിന്നാണ് ഈ തുക അവർക്ക് ലഭിച്ചത്. 20.42 കോടി രൂപയുമായി കോൺഗ്രസാണ് രണ്ടാംസ്ഥാനത്ത്.

Parties raked in Rs. 100 cr. in big donations: Study