എം.എ.കെ. ഷാജഹാൻ വാഹനാപകടത്തിൽ മരിച്ചു

ഒമാനിലെ പ്രമുഖ വ്യവസായിയും സാമൂഹിക പ്രവർത്തകനുമായ  എം.എ.കെ. ഷാജഹാൻ  വാഹനാപകടത്തിൽ മരിച്ചു. അൻപത്തി രണ്ടു വയസായിരുന്നു.   ഓടയം അയിഷ മൻസിൽ ആണ് വസതി. ചൊവ്വാഴ്​ച രാത്രി എട്ടേമുക്കാലോടെ ഒാടയം അഞ്ചുമുക്കിന് സമീപത്തായിരുന്നു അപകടം.    ഇശാ നമസ്കാരം നിർവഹിച്ച് വീട്ടിലേക്ക് നടന്നുപോകുംവഴി സ്കൂട്ടർ ഇടിച്ചാണ് അപകടമുണ്ടായത്.  വർക്കലയിലെ  ആശുപത്രിയിൽ എത്തി​െച്ചങ്കിലും മരണം സംഭവിച്ചു. മൃതശരീരം മോർച്ചറിയിൽ സൂക്ഷിച്ചിട്ടുണ്ട്. സംഭവത്തിൽ ദുരൂഹതയുണ്ടെന്ന ബന്ധുക്കളുടെ പരാതിയെ തുടർന്ന്​ വർക്കല പൊലീസ് അന്വേഷണം ആരംഭിച്ചു. ബുധനാഴ്​ച   പോസ്​റ്റ്​മോർട്ടം നടത്തി ഓടയം വലിയപള്ളി ഖബർസ്​ഥാനിൽ ഖബറടക്കും. 30 വർഷത്തിലധികമായി ഒമാനിലുള്ള ഷാജഹാൻ അവിടെ ചെറിയ പെരുന്നാൾ ആഘോഷിച്ചശേഷം ചൊവ്വാഴ്​ച രാവിലെയാണ്​ കുടുംബസമേതം നാട്ടിലെത്തിയത്​.