പള്‍സര്‍ സുനി ദിലീപിന്റെ മാനേജറെ വിളിച്ചു, ആവശ്യമെങ്കില്‍ അറസ്റ്റെന്ന് ഡിജിപി
നടിയെ അക്രമിച്ച കേസിലെ പ്രതി പള്‍സര്‍ സുനി ദിലീപിന്റെ മാനേജറെ ഫോണ്‍ വിളിച്ചതായി അന്വേഷണ സംഘം കണ്ടെത്തി. നവംബര്‍ 23 മൂതല്‍ നടി അക്രമിക്കപ്പെട്ട അന്ന് വരെയാണ് സുനില്‍കുമാര്‍ ദിലീപിന്റെ മാനേജര്‍ അപ്പുണ്ണിയെ ഫോണില്‍ ബന്ധപ്പെട്ടിട്ടുള്ളത്. നാല് മ്പരുകളില്‍ നിന്നാണ് ഫോണ്‍ വിളിച്ചത്. അപ്പുണ്ണി ഈ നമ്പറുകളിലേക്ക് തിരിച്ച് വിളിച്ചതായും പോലീസ് കണ്ടെത്തിയിട്ടുണ്ട്.
സുനില്‍കുമാര്‍ വിളിച്ച നമ്പരുകള്‍ കേന്ദ്രീകരിച്ച് പോലീസ് അന്വേഷണം ആരംഭിച്ചു. നിരന്തരം വിളിച്ച നാലു നമ്പരുകളെക്കുറിച്ചാണ് അന്വേഷണം നവംബര്‍ 23 മുതല്‍ ഏപ്രില്‍ 14 വരെ വിളിച്ച നമ്പരുകളാണ് പരിശോധിക്കുന്നത്. നമ്പരുകള്‍ ഒരാളുടേത് തന്നെയാണോ എന്നും അന്വേഷിക്കുന്നുണ്ട്. അതേസമയം കൂടുതല്‍ തെളിവ് വന്ന സാഹചര്യത്തില്‍ ആവശ്യമെങ്കില്‍ അറസ്റ്റ് ഉണ്ടായേക്കും ഡിജിപി പ്രതികരിച്ചിട്ടുണ്ട്. അന്വേഷണത്തില്‍ തൃപ്തിയുണ്ടെന്നും ലോക്‌നാഥ് ബെഹ്‌റ പറഞ്ഞു.കേസില്‍ ഗൂഢാലോചന കേസ് തെളിയിക്കാന്‍ സമയമെടുക്കുമെന്നും അദ്ദേഹം വ്യക്തമാക്കി.
dileep
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
