മിസോറാം ലോട്ടറി; കടുത്ത നിലപാടെടുത്ത് സംസ്ഥാന സർക്കാർ

മിസോറാം ലോട്ടറി വിൽപ്പനയ്ക്ക് അനുമതി തേടിയിരുന്നുവെന്ന് ഏജൻസി ഉടമകൾ. അനുമതി തേടി ചീഫ് സെക്രട്ടറിയ്ക്ക് കത്തയച്ചിരുന്നുവെന്നും ഉടമകൾ പറഞ്ഞു. ജൂലൈ 19 നാണ് കത്തയച്ചിരുന്നതെന്നാണ് അവകാശവാദം.

അതേസമയം മിസോറാം ലോട്ടറി നിരോധിക്കണമെന്ന് സംസ്ഥാനം കേന്ദ്രത്തോട് ആവശ്യപ്പെടും. സിക്കിം, ഭൂട്ടാൻ ലോട്ടറികൾ പോലെതന്നെ മിസോറാം ലോട്ടറിയും ചട്ടം ലംഘിക്കുന്നുവെന്ന് ധനമന്ത്രി ടി എം തോമസ് ഐസക് പറഞ്ഞു. ആഭ്യന്തരമന്ത്രാലയത്തെ സമീപിക്കുമെന്നും മന്ത്രി.