ഫ്രഷേഴ്‌സ് ഡേയിൽ കാറിടിച്ച് വിദ്യാർത്ഥിനി മരിച്ചു; അഞ്ച് വിദ്യാർത്ഥികൾ അറസ്റ്റിൽ

വിദ്യാർത്ഥികൾ ഓടിച്ച കാർ ഇടിച്ച് ഗുരുതര പരിക്കേറ്റ വിദ്യാർത്ഥിനി മരിച്ചു. ഫ്രഷേഴ്‌സ് ഡേ ആഘോഷത്തിനിടയിൽ വിദ്യാർത്ഥികൾ ഓടിച്ച കാറാണ് പെൺകുട്ടിയെ ഇടിച്ചത്. കടയ്ക്കാവൂർ സ്വദേശിയായ മീരാ മോഹൻ ഇന്ന് പുലർച്ചെയാണ് മരിച്ചത്.

തിരുവനന്തപുരത്ത് സ്വകാര്യ ആശുപത്രിയിൽ ചികിത്സയിലായിരുന്നു. വർക്കല ചാവർകോട് സിഎച്എംഎം കോളെജിലാണ് ഫ്രഷേഴ്‌സ് ഡേയ്ക്കിടയിൽ സംഭവം ഉണ്ടായത്. ഇന്നലെ രാവിലെ 11 മണിയോടെ അമിത വേഗത്തിലെത്തിയ കാർ മീരയെ ഇടിക്കുകയായിരുന്നു. പ്രൊജക്ട്റ്റ് സമർപ്പിക്കാനായാണ് മീര കോളെജിലെത്തിയതെന്നാണ് വിവരം. സംഭവത്തിൽ അഞ്ച് വിദ്യാർത്ഥികളെ പോലീസ് കസ്റ്റിയിലെടുത്തു.