പി വി അൻവർ എംഎൽഎയുടെ പാർക്ക് പൂട്ടില്ലെന്ന് പഞ്ചായത്ത് സെക്രട്ടറി

നിലമ്പൂർ എംഎൽഎ പി.വി അൻവറിന്റെ പാർക്ക് പൂട്ടില്ലെന്ന് അധികൃതർ. പൊളിക്കാൻ തീരുമാനിച്ചാലും പെട്ടെന്ന് പൊളിക്കാനാകില്ലെന്നും പാർക്ക് പൂട്ടാൻ ഭരണസമിതി യോഗം തീരുമാനിച്ചാലും പെട്ടെന്ന് നടപ്പാക്കാനാകില്ലെന്നും കൂടരഞ്ഞി പഞ്ചായത്ത് സെക്രട്ടറി രവീന്ദ്രൻ പറഞ്ഞു.

പാർക്കിന് എല്ലാ അനുമതിയുമുണ്ട്. നിയമപ്രകാരം നോട്ടീസ് നൽകി ഉടമയുടെ വാദം കേട്ടശേഷം മാത്രമെ നടപടി എടുക്കാനാകൂ. എല്ലാ രേഖകളും ഉളളതിനാലാണ് പാർക്കിന് അനുമതി നൽകിയതെന്നും സെക്രട്ടറി. പാർക്കിന്റെ അനുമതി റദ്ദാക്കിയ മലിനീകരണ നിയന്ത്രണ ബോർഡിന്റെ റിപ്പോർട്ട് ഇതുവരെ കിട്ടിയിട്ടില്ലെന്നും സെക്രട്ടറി വ്യക്തമാക്കി.

അതേസമയം പി വി അൻവർ അനധികൃതമായി നിർമ്മിച്ച കക്കാടംപൊയിലിലെ ചെക്ക് ഡാം പൊളിച്ച് നീക്കാൻ മലപ്പുറം കളക്ടർ അമിത് മീണ് ഉത്തരവിട്ടു. ഇറിഗേഷൻ ഡിപ്പാർട്ട്‌മെന്റിനോടാണ് പൊളിച്ച് നീക്കാൻ കളക്ടർ ആവശ്യപ്പെട്ടിരിക്കുന്നത്.