പി വി അൻവറിന്റെ ചെക്ക് ഡാം പൊളിച്ച് നീക്കാൻ ഉത്തരവ്

നിലമ്പൂർ എംഎൽഎ പി വി അൻവർ ഊർങ്ങാട്ടേരി പഞ്ചായത്തിൽ കക്കാടം പൊയിലിൽ നിർമ്മിച്ച ചെക്ക് ഡാം പൊളിച്ച് മാറ്റാൻ ജില്ലാ കളക്ടറുടെ ഉത്തരവ്. ഇറിഗേഷൻ ഡിപ്പാർട്ട്‌മെന്റിന് ഡാം പൊളിക്കാൻ കളക്ടർ അമിത് മീണ ഉത്തരവ് നൽകി.

നേരത്തേ ഡാം പൊളിച്ച് നീക്കാൻ പൊതുമരാമത്തിന് കളക്ടർ ഉത്തരവ് നൽകിയിരുന്നെങ്കിലും ഇത് നടപ്പാക്കിയിരുന്നില്ല. ഡാം പൊളിച്ച് നീക്കാൻ ആവശ്യമായ സാങ്കേതിക സംവിധാനമില്ലെന്ന കാരണം പറഞ്ഞാണ് നടപടിയെടുക്കാൻ വൈകിച്ചത്. ഇതോടെ ഇറിഗേഷൻ ഡിപ്പാർട്ട്‌മെന്റിന് ഉത്തരവ് കൈമാറിയതായി കളക്ടർ അറിയിച്ചു.