പൾസർ സുനി ഇനി വിയ്യൂർ സെൻട്രൽ ജയിലിൽ

നടിയെ ആക്രമിച്ച കേസിലെ മുഖ്യപ്രതി പൾസർ സുനിയെ വിയ്യൂർ സെൻട്രൽ ജയിലിലേക്ക് മാറ്റി. കാക്കനാട് ജയിലിൽ തന്നെ ഉപദ്രവിക്കുന്നതായി സുനി അങ്കമാലി മജിസ്‌ട്രേറ്റിന് പരാതി നൽകിയിരുന്നു. തുടർന്നാണ് സുനിയെ വിയ്യൂരിലെ എ ബ്ലോക്ക് നാലാം നമ്പർ മുറിയിലേക്ക് മാറ്റിയത്.

ആലുവ സബ്ജയിലിലേക്ക് മാറ്റുനമെന്നായിരുന്നു സുനി കണക്കുകൂട്ടിയിരുന്ന തെങ്കിലും പോലീസ് വിയ്യൂരിലേക്കാണ് സുനിയെ മാറ്റിയത്. കേസിലെ മറ്റൊരു പ്രതിയായ ദിലീപ് ആലുവ സബ്ജയിലിലാണ് ഉള്ളത്. കാക്കനാട് ജില്ലാ ജയിലിൽ വാർഡന്മാരടക്കമുള്ളവർ തന്നെ ഉപദ്രവിക്കുന്നുവെന്നായിരുന്നു സുനി മജിസ്‌ട്രേറ്റിന് നൽകിയ പരാതി.