സ്വാമി ഓമിന് 10 ലക്ഷം രൂപ പിഴ വിധിച്ച്‌ സുപ്രീം കോടതി

ആൾദൈവം സ്വാമി ഓമിന് സുപ്രീംകോടതി 10 ലക്ഷം രൂപ പിഴ വിധിച്ചു. ജസ്റ്റിസ് ദീപക് മിശ്രയെ പുതിയ ചീഫ് ജസ്റ്റിസ് ആയി നിയമിച്ചുകൊണ്ടുള്ള ഉത്തരവിനെതിരെ നൽകിയ ഹർജിയിലാണ് വിധി. ഹർജി ബാലിശമാണെന്ന് നിരീക്ഷിച്ച കോടതി സ്വാമി ഓമിനും മുകേഷ് ജെയിൻ എന്ന ആൾക്കും 10 ലക്ഷം രൂപ വീതം പിഴ വിധിയ്ക്കുകയായിരുന്നു.

ഇരുവരും ഒരുമാസത്തിനുള്ളിൽ പിഴ അടയ്ക്കണമെന്നും ഈ തുക പ്രധാനമന്ത്രിയുടെ ദുരിതാശ്വാസ നിധിയിലേക്ക് കൈമാറുമെന്നും സുപ്രീം കോടതി അറിയിച്ചു. സുപ്രീം കോടതി ചീഫ് ജസ്റ്റിസിനെ രാഷ്ട്രപതി തെരഞ്ഞെടുക്കുന്ന രീതി ശരിയല്ലെന്നാരോപിച്ചാണ് സ്വാമി സുപ്രീം കോടതിയെ സമീപിച്ചത്.