നന്ദൻ നിലേകനി ഇൻഫോസിസ് ചെയർമാൻ

ഇൻഫോസിസിന്റെ ചെയർമാൻ നന്ദൻ നിലേകനി വീണ്ടുമെത്തുന്നു. 26ആം വയസ്സിലാണ് നന്ദൻ നിലേകനി ആദ്യമായി ഇൻഫോസിസിലെത്തുന്നത്. ഇപ്പോൾ വീണ്ടും ഇൻഫോസിസിന്റെ പടികയറുമ്പോൾ നന്ദന് വയസ്സ് 62. അക്കങ്ങളിലെ ഈ കൗതുകം സൂചിപ്പിച്ചുകൊണ്ടാണ് ഇൻഫോസിസിന്റെ ചെയർമാൻ സ്ഥാനം ഏറ്റെടുത്തെന്ന് അദ്ദേഹം ട്വിറ്ററിൽ കുറിച്ചത്.

വിശാൽ സിക്ക ചെയർമാൻ സ്ഥാനം രാജി വച്ചതിനെ തുടർന്നാണ് നന്ദൻ നിലേകനി സ്ഥാനമേൽക്കുന്നത്. 2002 മാർച്ച് മുതൽ 2007 ഏപ്രിൽ വരെ നന്ദൻ നിലേകനി ഇൻഫോസിസിന്റെ ചെയർമാനായിരുന്നു. പിന്നീട് വൈസ് ചെയർമാനായി. തുടർന്ന് 2009 ൽ അദ്ദേഹം ഇൻഫോസിസ് വിടുകയായിരുന്നു.