ദിലീപിനെതിരായ കുറ്റപത്രം ഉടന്‍

നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന നടന്‍ ദിലീപിനെതിരെയുള്ള കുറ്റപത്രം അന്വേഷണസംഘം ഉടന്‍ സമര്‍പ്പിക്കും. മൂന്നാഴ്ചയ്ക്കകം കുറ്റപത്രം സമര്‍പ്പിക്കുമെന്നാണ് സൂചന. അന്വേഷണം അവസാനഘട്ടത്തിലാണെന്നാണ്  പ്രോസിക്യൂഷന്‍ ഹൈക്കോടതിയെ അറിയിച്ചിട്ടുള്ളത്.

നിശ്ചിതസമയപരിധിയായ 90 ദിവസത്തിനുള്ളില്‍ കുറ്റപത്രം സമര്‍പ്പിച്ചാല്‍ ചട്ടം അനുസരിച്ചുള്ള ജാമ്യത്തിന് ദിലീപ് അര്‍ഹനാകില്ല. മൊബൈല്‍ ഫോണും മെമ്മറി കാര്‍ഡും കിട്ടിയില്ലെങ്കിലും കുറ്റപത്രം സമര്‍പ്പിക്കുന്നതിന് തടസ്സമില്ലെന്നുള്ള നിയമോപദേശമാണ് പോലീസിന് ലഭിച്ചിട്ടുള്ളത്. ജൂലൈ പത്തിനാണ് നടിയെ ആക്രമിച്ച കേസില്‍ ഗൂഢാലോചനാക്കുറ്റം ചുമത്തി ദിലീപിനെ അറസ്റ്റ് ചെയ്തത്.