രാജ്യത്തെ 800 എഞ്ചിനീയറിങ് കോളജുകൾ അടച്ചുപൂട്ടാനൊരുങ്ങുന്നു

രാജ്യത്തെ 800 എഞ്ചിനീയിങ് കോളേജുകൾ അടച്ചുപൂട്ടലിന്റെ വക്കിൽ. കഴിഞ്ഞ അഞ്ചുവർഷമായി തങ്ങളുടെ കോളജുകളിൽ വിദ്യാർഥികൾ പ്രവേശനം നേടുന്നത് കുറയുന്നുവെന്ന് ചൂണ്ടിക്കാട്ടി അടച്ചുപൂട്ടാനുള്ള അനുമതി തേടി കോളജ് മാനേജ്‌മെന്റുകൾ അപേക്ഷ സമർപ്പിച്ചു. ഓൾ ഇന്ത്യ കൗൺസിൽ ഫോർ ടെക്‌നിക്കൽ എഡ്യുക്കേഷന് ( എഐസിടിഇ) മുന്നിലാണ് കോളജുകൾ അപേക്ഷയുമായെത്തിയത്.

അഞ്ചുവർഷം തുടർച്ചയായി പ്രവേശനം നേടുന്ന വിദ്യാർഥികളുടെ എണ്ണത്തിൽ 30 ശതമാനം കുറവുവന്നാൽ അടച്ചുപൂട്ടാനുള്ള അപേക്ഷ സമർപ്പിക്കാനാകും. സാധാരണ ഗതിയിൽ സമീപത്തുള്ള എഞ്ചിനീയറിങ് കോളജുകളുമായി ലയിപ്പിക്കാനാണ് എഐസിടിഇ മുൻഗണന നൽകുക.

അപേക്ഷ നൽകിയിട്ടുള്ള കോളജുകൾക്ക് മുന്നിൽ ലയനമെന്ന നിർദ്ദേശം എഐസിടിഇ മുന്നോട്ടുവെച്ചിട്ടുണ്ട്. ഇതാണ് അവർ സ്വീകരിക്കുന്നതെങ്കിൽ തീരുമാനം അടുത്ത അധ്യനവർഷത്തിൽ നടപ്പിലാക്കും.

800 engineering colleges shut down