ആറിന് അച്ഛന് ശ്രാദ്ധം ചെയ്യണം, വീട്ടിൽ പോകാൻ അനുവദിക്കണമെന്ന് ദിലീപ്

ഈ മാസം ആറാം തീയ്യതി ജയിലില്‍ നിന്നും പുറത്ത് പോകാന്‍ അനുവദിക്കണമെന്ന എന്ന അപേക്ഷയുമായി ദിലീപ് കോടതിയിൽ.  അച്ഛന്‍റെ ശ്രാദ്ധത്തില്‍ പങ്കെടുക്കാനാണിത്.  സെപ്തംബര്‍ ആറിന് രാവിലെ 7 മുതല്‍ 11വരെയാണ് വീട്ടിൽ പോകാൻ അനുവദിക്കണമെന്ന് ദിലീപ് ആവശ്യപ്പെട്ടിരിക്കുന്നത്.   അങ്കമാലി മജിസ്ട്രേറ്റ് കോടതിലാണ് അപേക്ഷ നല്‍കിയത്. ഇത് ഇന്ന് പരിഗണിക്കും.

അതേസമയം ദിലീപിന്‍റെ റിമാൻഡ് കാലാവധി ഈ മാസം 16 വരെ നീട്ടി. വീഡിയോ കോണ്‍ഫറൻസിംഗ് വഴിയാണ് ദിലീപിനെ കോടതി മുന്പാകെ ഹാജരാക്കിയത്. അങ്കമാലി മജിസ്ട്രേറ്റ് കോടതിയാണ് റിമാൻഡ് നീട്ടിയത്.