ഉത്തർപ്രദേശിൽ വീണ്ടും ശിശുമരണം; മരിച്ചത് 50ഓളം കുട്ടികൾ

ഓക്‌സിജൻ ലഭിക്കാതെ നൂറിലേറെ കുട്ടികൾ മരിച്ച ഉത്തർപ്രദേശിൽ വീണ്ടും ദുരന്തം. മറ്റൊരു ആശുപത്രിയിലും അമ്പതോളം കുട്ടികൾ ഓക്‌സിജൻ കിട്ടാതെ മരിച്ചു. യു.പിയിലെ ഫറൂഖാബാദിലെ സർക്കാർ ആശുപത്രിയിലാണ് കഴിഞ്ഞ ഒരു മാസത്തിനിടെ ഓക്‌സിജൻ ലഭിക്കാതെ അൻപതോളം കുഞ്ഞുങ്ങൾ മരിച്ചത്.

ഗൊരഖ്പൂരിലെ ബി.ആർ.ഡി മെഡിക്കൽകോളേജിൽ കൂട്ട ശിശു മരണം നടന്ന് ദിവസങ്ങൾക്കുള്ളിലാണ് മറ്റൊരു ദുരന്ത വാർത്തകൂടി പുറത്തുവരുന്നത്. കഴിഞ്ഞ ജൂലൈ 21നും ഓഗസ്റ്റ് 20നും ഇടയിലാണ് 50ഓളം കുട്ടികൾ ഓക്‌സിജൻ ലഭിക്കാതെ മരിച്ചത്.