ഇപിഎസ്‌ പക്ഷത്തോടൊപ്പം 111 എംഎൽഎമാർ

തമിഴ്‌നാട്ടിൽ അപ്രതീക്ഷിത ചുവടുമാറ്റം. എടപ്പാടി പളനിസ്വാമി പക്ഷത്തേക്ക് കൂടുതൽ എംഎൽഎമാർ. പളനിസ്വാമി വിളിച്ച അണ്ണാ ഡിഎംകെ എംഎൽഎമാരുടെ നിർണ്ണായക യോഗത്തിൽ 111 എംഎൽഎമാർ പങ്കെടുത്തു. പളനിസ്വാമി സർക്കാർ വിശ്വാസവോട്ടെടുപ്പിലൂടെ നിയമസഭയിൽ ഭൂരിപക്ഷം തെളിയിക്കണമെന്നാവശ്യപ്പെട്ട് ഡിഎംകെ പ്രതിഷേധം ആരംഭിച്ചു.

234 അംഗ നിയമസഭയിൽ 134 എംഎൽഎമാരാണ് എഐഎഡിഎംകെയ്ക്ക് ഉള്ളത്. ഭരണം നിലനിർത്താൻ പളനി സ്വാമി സർക്കാരിന് വേണ്ടത് 117 എംഎൽഎമാരാണ്. നേരത്തേ പളനിസ്വാമി വിളിച്ച യോഗത്തിൽ പങ്കെടുത്തത് 75 എംഎൽഎമാർ മാത്രമായിരുന്നു. ഇത് 111 ആയി ഉയർത്തിയത് പളനിസ്വാമി പക്ഷത്തെ കൂടുതൽ ബലപ്പെടുത്തിയിരിക്കുകയാണ്.