ഗോ സംരക്ഷകരെ നിയന്ത്രിക്കണമെന്ന് സുപ്രീംകോടതി

ഗോ സംരക്ഷണത്തിന്റെ പേരിൽ രാജ്യത്ത് അഴിച്ചുവിടുന്ന അക്രമങ്ങൾക്കെതിരെ കേന്ദ്ര-സംസ്ഥാന സർക്കാരുകൾ കർശന നടപടിയെടുക്കണമെന്ന് സുപ്രീം കോടതി.

തുഷാർ ഗാന്ധി നൽകിയ പരാതിയിലാണ് സുപ്രീം കോടതിയുടെ നിർദ്ദേശം. ഗോ സംരക്ഷണത്തിന്റെ പേരിൽ രാജ്യത്ത് അക്രമ സംഭവങ്ങൾ കൂടിവരുന്നുവെന്ന് ചൂണ്ടിക്കാട്ടിയാണ് തുഷാർ ഗാന്ധി പരാതി നൽകിയത്.

സംസ്ഥാനങ്ങളിലെ എല്ലാ ജില്ലകളിലും ഒരാഴ്ചയ്ക്കുള്ളിൽ പോലീസ് ഉദ്യോഗസ്ഥരെ അക്രമങ്ങൾ തടയാൻ ചുമതലപ്പെടുത്തണമെന്നാണ് സുപ്രീം കോടതി നിർദ്ദേശം. ഈ ഉദ്യോഗസ്ഥരെ നോഡൽ ഓഫീസർമാരായി നിയോഗിക്കാനും കോടതി ആവശ്യപ്പെട്ടു.