ശ്രീവത്സം ഗ്രൂപ്പ് മാനേജര്‍ രാധാമണിയുടെ ഭര്‍ത്താവ് മരിച്ച നിലയില്‍

ശ്രീവത്സം ഗ്രൂപ്പ് മാനേജര്‍ രാധാമണിയുടെ ഭര്‍ത്താവ് തൂങ്ങി മരിച്ച നിലയില്‍. ഹരിപ്പാട് സ്വദേശി കൃഷ്ണനാണ് മരിച്ചത്. ശ്രീവത്സം ഗ്രൂപ്പിന്റെ അനധികൃത സ്വത്ത് സംബന്ധിച്ച് മാസങ്ങള്‍ക്ക് മുമ്പ് ആദായനികുതി വകുപ്പ് റെയ്ഡ് നടത്തുകയും ആയിരം കോടിരൂപയുടെ ക്രമക്കേട് കണ്ടെത്തിയിരുന്നു. ഇതില്‍ നടപടി തുടങ്ങാനിരിക്കെയാണ് കൃഷ്ണന്റെ ആത്മഹത്യ. ശ്രീവത്സം ഗ്രൂപ്പിന്റെ അനധികൃത ഇടപാടുകളെ കുറിച്ച് എല്ലാം രാധാമണിയ്ക്കും കൃഷ്ണനും അറിയാമെന്നാണ് സൂചന.സാമ്പത്തിക ഇടപാടുകളുമായി ബന്ധപ്പെട്ട് രാധാമണിയും അന്വേഷണം നേരിടുന്നുണ്ട്.
അസ്വാഭാവിക മരണത്തിനാണ് പോലീസ് കേസ് എടുത്തിട്ടുള്ളത്. മൃതദേഹം ഇപ്പോള്‍ ഹരിപ്പാട് താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്.