ടെക്‌സസിൽ വെടിവെപ്പ്; എട്ട് പേർ കൊല്ലപ്പെട്ടു

അമേരിക്കയിലെ ടെക്‌സാസിലുണ്ടായ വെടിവെപ്പിൽ എട്ട് പേർ കൊല്ലപ്പെട്ടു. പ്ലാനോയിലെ ഒരു വീട്ടിലാണ് സംഭവം. ഞായറാഴ്ച രാത്രി എട്ട് മണിയോടെയാണ് വെടിവെപ്പുണ്ടായത്. വിവരമറിഞ്ഞ് ആദ്യമെത്തിയ പോലീസ് ഉദ്യോഗസ്ഥൻ അക്രമിയെ വെടിവെച്ച് കൊന്നു. സംഭവത്തിൽ രണ്ട് പേർക്ക് പരിക്കേറ്റു. കൊല്ലപ്പെട്ടവരെയോ പ്രതിയേയോ ഇതുവരെ തിരിച്ചറിഞ്ഞിട്ടില്ല. വെടിവെപ്പിനുണ്ടായ കാരണവും വ്യക്തമല്ല.