ഉത്തർപ്രദേശിൽ ബോട്ടുമുങ്ങി 15 മരണം; നിരവധി പേരെ കാണാനില്ല

ഉത്തർപ്രദേശിലെ ബാഗ്പതിൽ ബോട്ടുമുങ്ങി 15 പേർ മരിച്ചു. നിരവധിയാളുകളെ കാണാനില്ല. യമുന നദിയിലാണ് ബോട്ട് മുങ്ങിയത്. 60 യാത്രക്കാരാണ് ബോട്ടിലുണ്ടായിരുന്നതെന്നാണ് റിപ്പോർട്ട്. 12 പേരെ രക്ഷപ്പെടുത്തി.

വ്യാഴാഴ്ച രാവിലെ 6.30 ഓടെയാണ് അപകടമുണ്ടായത്. ഹരിയാനയിലേക്കു പോവുകയായിരുന്ന ബോട്ടാണ് മുങ്ങിയത്. 20പേർക്ക് കയറാവുന്ന ബോട്ടിൽ 60 പേരാണ് യാത്ര ചെയ്തിരുന്നത്. രക്ഷാപ്രവർത്തനം തുടരുകയാണ്.