കോട്ടയത്ത് ഉരുൾപൊട്ടൽ; ആളപായമില്ല

കനത്ത മഴയെ തുടർന്ന് കോട്ടയത്ത് ഉരുൾപ്പൊട്ടൽ. ആളപായമില്ലെങ്കിലും ജില്ലയുടെ കിഴക്കൻ മലയോര പ്രദേശത്ത്  കനത്ത നാശ നഷ്ടങ്ങൾ ഉണ്ടായി. ഏക്കറുകണക്കിന് കൃഷിയിടം ഒലിച്ച് പോയി. ഏന്തയാര്‍, ഇളകാട് മേഖലയിലെ മൂപ്പന്‍മലയിലും കൊക്കയാര്‍ പഞ്ചായത്തിലെ അഴങ്ങാട്ടുമാണ് ഉരുള്‍പൊട്ടിയത്. മണിമലയാർ കരകവിഞ്ഞ് ഒഴുകുകയാണ്. ഉരുൾപ്പൊട്ടലിനെ തുടർന്ന് മുണ്ടക്കയം ഇളകാട് റോഡിന്റെ സംരക്ഷണ ഭിത്തി തകര്‍ന്നു.