നടിയെ ആക്രമിച്ച കേസ്; ലിബർട്ടി ബഷീറിന്റെ മൊഴി എടുത്തു

നടിയെ ആക്രമിച്ച കേസുമായി ബന്ധപ്പെട്ട് നിർമാതാവും തീയറ്റർ ഉടമയുമായ ലിബർട്ടി ബഷീറിന്റെ മൊഴിയെടുത്തു. ആലുവ പോലീസ് ക്ലബിൽ വിളിച്ചുവരുത്തിയാണ് മൊഴിയെടുത്തത്. തനിക്കെതിരേ സിനിമാ മേഖലയിൽ നിന്നുള്ളവർ ഗൂഢാലോചന നടത്തിയാണ് കേസ് സൃഷ്ടിച്ചതെന്ന് ദിലീപ് ആദ്യം മുതൽ ആരോപിക്കുന്നുണ്ട്. ഈ സാഹചര്യത്തിലാണ് കേസുമായി ബന്ധപ്പെട്ട് ബഷീറിന്റെ മൊഴി രേഖപ്പെടുത്താൻ അന്വേഷണ സംഘം തീരുമാനിച്ചത്. ദിലീപിനെതിരെ നിരവധി ആരോപണങ്ങൾ ലിബർട്ടി ബഷീർ ഉന്നയിച്ചിട്ടുണ്ട്.