വാട്ട്‌സാപ്പിൽ ആള് മാറി മെസ്സേജ് അയച്ചുപോയോ ? ഇനി മറ്റുള്ളവർ വായിക്കുന്നതിന് മുമ്പേ ഡിലീറ്റ് ചെയ്യാം !!

വാട്ട്‌സാപ്പിൽ നമുക്ക് എല്ലാവർക്കും പറ്റുന്ന അബദ്ധമാണ് ആള് മാറി മെസ്സേജ് അയക്കൽ. അയച്ചുകഴിഞ്ഞാകും നാം ഇതറയുന്നത്. പിന്നീട് വേവലാതിയും. ഇനി ഈ ടെൻഷനോട് ഗുഡ്‌ബൈ പറഞ്ഞോളു. കാരണം ഇതിനൊരു പിരാഹരമായി വാട്ട്‌സാപ്പ് എത്തിയിരിക്കുകയാണ്.

ഫേസ്ബുക്ക് ഉടമസ്തതയിലുളള വാട്ട്‌സാപ്പിൽ ‘ ഡിലീറ്റ് ഫോർ എവരിവൺ’ എന്ന സവിശേഷതയുമായി എത്തുന്നു. ഈ സംവിധാനം ഉപയോഗിച്ച് നിങ്ങൾ അറിയാതെ തെറ്റായ മെസേജ് അയച്ചാലോ അല്ലെങ്കിൽ മെസേജ് മാറി പോയാലോ അവർ വായിക്കുന്നതിനു മുൻപു തന്നെ നിങ്ങൾക്ക് ആ മെസേജ് ഡിലീറ്റ് ചെയ്യാം. ആൻഡ്രോയിഡ്, ഐഒഎസ് ഉപഭോക്താക്കൾക്കാണ് ഈ സവിശേഷത ലഭ്യമാകുന്നത്.

എന്നാൽ, ഈ സവിശേഷത ഇപ്പോൾ പരീക്ഷണ ഘട്ടത്തിലാണ്. ടെസ്റ്റിങ്ങ് സ്റ്റേജ് കഴിഞ്ഞാൽ ഇത് എല്ലാവർക്കും സജീവമാകും. ടിപ്സ്റ്റർ റിപ്പോർട്ട് പ്രകാരം ഐഒഎസ് ആൻഡ്രോയിഡ് ഉപകരണങ്ങളിലെ നോട്ടിഫിക്കേഷൻ സെന്ററിൽ നിന്നുളള മെസേജുകളും ഡിലീറ്റ് ചെയ്യും എന്നാണ്.

whatsapp recall feature