എയ്ഡഡ് സ്‌കൂളുകളിൽ ഭിന്നശേഷിക്കാർക്ക് മൂന്നു ശതമാനം സംവരണം

എയ്ഡഡ് സ്‌കൂളുകളിൽ ഭിന്നശേഷിക്കാർക്ക് മൂന്നു ശതമാനം സംവരണം നൽകാൻ മന്ത്രിസഭാ യോഗം തീരുമാനിച്ചു. പൊതു വിദ്യാഭ്യാസ വകുപ്പിന് കീഴിലെ എയ്ഡഡ് സ്‌കൂളുകളിൽ അധ്യപക അനധ്യാപക നിയമനത്തിൽ ശാരീരിക അവശത അനുഭവിക്കുന്നവർക്ക് മൂന്നു ശതമാനം സംവരണം ഏർപ്പെടുത്തുന്നതിന് ഓർഡിനൻസ് പുറപ്പെടുവിക്കാൻ ഗവർണറോട് ശുപാർശ ചെയ്യാനാണ് തീരുമാനമായത്. ഇത് സംബന്ധിച്ച് കേരള വിദ്യാഭ്യാസ നിയമത്തിൽ ഭേദഗതി കൊണ്ടുവരുന്നതിനുള്ള കരട് ബിൽ മന്ത്രിസഭ അംഗീകരിച്ചു.