ജയരാജനെതതിരായ ബന്ധുനിയമനകേസ് അവസാനിപ്പിക്കാനൊരുങ്ങി വിജിലൻസ്

മുൻമന്ത്രിയും സിപിഎം നേതാവുമായ ഇ പി ജയരാജനെതിരായ ബന്ധുനിയമനക്കേസ് അവസാനിപ്പിക്കാനൊരുങ്ങി വിജിലൻസ്. ജയരാജനെതിരായ അഴിമതി നിരോധന നിയമം നിലനിൽക്കില്ലെന്നാണ് വിജിലൻസ് കണ്ടെത്തൽ. ഇത് സംബന്ധിച്ച റിപ്പോർട്ട് വിജിലൻസ് ഇന്ന് നൽകിയേക്കും.

ജയരാജന്റെ ബന്ധുവും പി കെ ശ്രീമതി എം പിയുടെ മകനുമായ പി കെ സുധീറിനെ വ്യവസായ വകുപ്പിന് കീഴിലെ പൊതുമേഖലാ സ്ഥാപനത്തിൽ എംഡിയായി നിയമിച്ചതുമായി ബന്ധപ്പെട്ടാണ് ജയരാജനെതിരെ വിജിലൻസ് കേസ് എടുത്തത്. തുടർന്ന് ജയരാജൻ വ്യവസായ മന്ത്രിസ്ഥാനം രാജിവച്ചിരുന്നു.

നിയമനം ലഭിച്ചിട്ടുപം പി കെ സുധീർ സ്ഥാനമേറ്റെടുത്തിട്ടില്ല, പ്രതികൾ സാമ്പത്തിക നേട്ടമുണ്ടാക്കിയിട്ടില്ല തുടങ്ങിയ കാരണങ്ങൾ വ്യക്തമാക്കിയാണ് കേസ് അവസാനിപ്പിക്കാനൊരുങ്ങുന്നത്.