ചൈനയുടെ ചാവുകടലിന് പിങ്ക് നിറം; ഞെട്ടി ശാസ്ത്രലോകം

ചൈനയിലെ പ്രശസ്തമായ യെൻചെങ് ലവണതടാകം പിങ്ക് നിറമാകുന്നു. തടാകത്തിന്റെ ഒരു ഭാഗമാണ് ഇപ്പോൾ പിങ്ക് നിറമാകുന്നത്. ചൈനയുടെ ചാവുകടൽ എന്നാണ് യെൻചെങ് ലവണതടാകം അറിയപ്പെടുന്നത്.

‘ഡുനാലില്ല സലൈന'(dunaliella salina) എന്ന ആൽഗയുടെ സാന്നിദ്ധ്യമാണ് യെൻചെങ് തടാകത്തിന് പിങ്ക് നിറം സമ്മാനിച്ചത്. നിരവധി സന്ദർശകരാണ് തടാകത്തിന്റെ നിറംമാറ്റം കാണാൻ എത്തുന്നത്. സോഡിയം സൾഫേറ്റിന്റെ സാന്നിദ്ധ്യമുള്ള ലോകത്തെ മൂന്നു തടാകങ്ങളിൽ ഒന്നാണിത്.

കഴിഞ്ഞവർഷവും തടാകത്തിന്റെ നിറം മാറിയിരുന്നു. അന്ന് കടും ചുവപ്പ് നിറമായിരുന്നു തടാകത്തിന്. 132 ചതുരശ്ര കിലോമീറ്ററാണ് തടാകത്തിന്റെ വിസ്തീർണം. തടാകത്തിന്റെ നിറവ്യത്യാസം അപ്രത്യക്ഷമാകുന്നത് ശൈത്യകാലത്താണ്.

china dead sea turns pink